Fulltrúar okkar í Stóru upplestrarkeppninni

Undankeppni Stóru upplestrarkeppninnar var haldin hjá 7. bekk föstudaginn 8. mars. Átta nemendur úr 7. bekk lásu  texta úr sögunni Jón Oddur og Jón Bjarni eftir Guðrúnu Helgadóttur, ljóð eftir Stefán Jónsson frá Hvítadal og ljóð að eigin vali. Keppendur stóðu sig allir með mikilli prýði og val dómara því erfitt. Eftirtaldir nemendur urðu fyrir valinu  til að verða fulltrúar okkar á lokahátíð Stóru upplestrarkeppninnar: Sigrún Birna Þórarinsdóttir og Birna Rún Fenger.  Til vara verður Díana Ásta Guðmundsdóttir. Verðlaunahafarnir þrír fengu veglega bókagjöf frá foreldrafélagi Seljaskóla og við óskum keppendum okkar alls hins besta í lokakeppninni sem verður haldinn í Fella- og Hólakirkju fimmtudaginn 14. mars kl. 16.00.